Wythnos Elusennau Cymru

9 - 13 Chwefror 2026

Cynhelir Wythnos Elusennau Cymru rhwng 9 a 13 Chwefror 2026, yn ei chartref blynyddol newydd, sef ail wythnos mis Chwefror. Cofrestrwch ar gyfer ein rhestr bostio i gael y diweddariadau diweddaraf yn syth i’ch mewnflwch.

Mae Wythnos Elusennau Cymru yn amlygu gwaith gwych elusennau, mudiadau gwirfoddol, grwpiau cymunedol a gwirfoddolwyr yng Nghymru ac mae’n galw ar bobl i ‘roi/gwirfoddoli/hyrwyddo’. Gwna dy ran a newid bywydau

0 %

Mae 32% o bobl yng Nghymru yn gwirfoddoli

Mae 46,648 o fudiadau gwirfoddol yng Nghymru

Caerdydd & Powys

Mae’r rhan fwyaf o’r mudiadau gwirfoddol yng Nghaerdydd (5,549) a Powys (3,708)

0 %

Powys sydd â’r lefelau uchaf o wirfoddoli yng Nghymru

65-74

Pobl rhwng 65-74 oed yw’r ddemograffeg sy’n rhoi’r mwyaf o’u hamser – mae 35.3% o’r grŵp hwn yn gwirfoddoli

0 %

Mae 26.1% o bobl yng Nghymru yn gwneud o leiaf un diwrnod o wirfoddoli bob blwyddyn

Mudiadau gwirfoddol yng Nghymru

Caerdydd & Powys

Mae’r rhan fwyaf o’r mudiadau gwirfoddol yng Nghaerdydd (3,860) a Powys (3,696)

0 %

Gwynedd sydd â’r lefelau uchaf o wirfoddoli yng Nghymru

65-74

Pobl rhwng 65-74 oed yw’r ddemograffeg sy’n rhoi’r mwyaf o’u hamser – mae 30.1% o’r grŵp hwn yn gwirfoddoli

Ynghylch

Mae Wythnos Elusennau Cymru, a noddir gan *Utility Aid, yn gyfle i gydnabod a dathlu’r holl waith y mae pobl a mudiadau ar draws sector gwirfoddol Cymru yn ei wneud i dywynnu ychydig o olau yn y tywyllwch. Mae’n gyfle i ddod ynghyd i ddangos gwerthfawrogiad, i atgoffa pobl bod yr hyn y maen nhw’n ei wneud yn gwneud gwahaniaeth.

Cynhelir Wythnos Elusennau Cymru rhwng 9 a 13 Chwefror 2026. Mae Cymru yn adnabyddus am ei hanes hir o wirfoddoli a gweithredu gwirfoddol, rhywbeth sy’n parhau i fod yn rhan fawr o ddiwylliant Cymru hyd heddiw. Mae elusennau yn fwy nag achubiaeth i’r rhai mwyaf agored i niwed, maen nhw yno i bobl mewn hawddfyd ac adfyd, yn cymryd camau bach yr olwg sy’n arwain at wahaniaeth mawr.

Mae Wythnos Elusennau Cymru wedi’i threfnu gan CGGC.

Cymryd rhan

Gwirfoddolwch, rowch rodd neu rhowch floedd i’ch hoff elusen neu grŵp gwirfoddol! Mae digonedd o ffyrdd hawdd o gymryd rhan yn #WythnosElusennauCymru.

Rhoi cydnabyddiaeth iddyn nhw ar gyfryngau cymdeithasol

Rydym yn eich herio i dynnu sylw at elusen neu grŵp gwirfoddol yr ydych yn eu hedmygu. Tagiwch nhw ar gyfryngau cymdeithasol a dywedwch wrthym sut mae’r mudiad wedi cael effaith wirioneddol ar eich bywyd chi neu fywyd rhywun sy’n bwysig i chi.

Soniwch amdanyn nhw ar blatfform cyfryngau cymdeithasol o’ch dewis a chofiwch ddefnyddio #WythnosElusennauCymru.

Rhoi

Mae Wythnos Elusennau Cymru yn amser perffaith i’w roi i elusen neu fudiad gwirfoddol. Mae llawer ohonom yn teimlo pwysau argyfwng costau byw ond cofiwch nad oes rhaid iddo fod yn rhodd arian parod. Gallai fod yn fag o ddillad neu eitemau eraill ar gyfer eich siop elusen leol, neu gallech hyd yn oed gyfrannu rhan o’ch amser drwy wirfoddoli (gweler isod).

Beth am ddweud wrth y byd am eich rhodd a pham rydych chi wedi’i wneud. Postiwch ddiweddariad gan ddefnyddio #WythnosElusennauCymru ar gyfryngau cymdeithasol.

Ymrwymo i fod yn wirfoddolwyr

Defnyddiwch ychydig o’ch amser sbâr i helpu eraill. Mae Wythnos Elusennau Cymru yn amser perffaith i gofrestru a dod yn wirfoddolwr! Os oes gennych chi ddiddordeb mewn bod yn wirfoddolwr, beth am fynd draw i wefan Gwirfoddoli Cymru www.gwirfoddolicymru.net lle gallwch chwilio am gyfleoedd gwirfoddoli. Os ydych chi’n gwirfoddoli p’un ai dyma’ch tro cyntaf neu rywbeth rydych chi wedi’i wneud o’r blaen, rhowch wybod i ni ar y cyfryngau cymdeithasol gyda’r hashnod #WythnosElusennauCymru.

Am fwy o wwybodaeth

Bydd rhagor o wybodaeth am sut i gymryd rhan yn Wythnos Elusennau Cymru 2026 yn dod yn fuan. Yn y cyfamser gallwch gofrestru ar gyfer ein rhestr bostio i gael y diweddariadau diweddaraf yn syth i’ch mewnflwch.

Elusennau

Os ydych yn elusen, mudiad gwirfoddol neu’n grwp cymunedol sylwch ar ein pecyn syniadau.

Rhannwch fideo byr

am eich gwaith ar gyfryngau cymdeithasol a chofiwch ddefnyddio #WythnosElusennauCymru. Rydym wedi creu canllaw syml ar sut i greu eich fideo.

Rhowch sylw i’ch staff neu wirfoddolwyr

Dywedwch wrth y byd am aelod o staff, gwirfoddolwr neu dîm a’r gwahaniaeth maen nhw’n ei wneud trwy bostio ar gyfryngau cymdeithasol, neu drefnu dathliad ar eu cyfer. Postiwch eich neges diolch ac unrhyw luniau sydd gennych ar y cyfryngau cymdeithasol gan ddefnyddio #WythnosElusennauCymru (gwnewch yn siŵr bod gennych ganiatâd pawb dan sylw).

Rhannwch y pecyn ymgyrchu

Anfonwch becyn ymgyrchu Wythnos Elusennau at eich ffrindiau, cefnogwyr a phartneriaid a gofyn iddyn nhw gefnogi eich gwaith drwy gymryd rhan yn Wythnos Elusennau Cymru (yn dod yn fuan).

Ysgolion

Os ydych chi’n gweithio mewn ysgol gynradd, bydd ein pecyn syniadau yn rhoi awgrymiadau ar sut i rannu Wythnos Elusennau Cymru gyda’ch disgyblion.

Dydd Llun - 15 Tachwedd 2021

Dywedwch wrthym am adeg lle gwnaeth elusen neu wirfoddolwr eich helpu chi neu hyd yn oed newid eich bywyd. Rhannwch eich stori drwy ddefnyddio #WythnosElusennauCymru a #diolchgarwch

Dydd Mawrth – 16 Tachwedd 2021

Dywedwch wrthym am y bobl rydych chi wedi cwrdd â nhw wrth weithio neu wirfoddoli gydag elusennau neu drwy eu cefnogi. Rhannwch eich stori gan ddefnyddio #WythnosElusennauCymru a #cysylltiadau a chofiwch dagio’r bobl y gwnaethoch chi gwrdd â nhw!

Dydd Mercher – 17 Tachwedd 2021

Dywedwch wrthym am foment falch rydych chi wedi’i chael wrth wirfoddoli neu weithio gydag elusen. Rhannwch eich stori gan ddefnyddio #WythnosElusennauCymru a #YGorau

Dydd Iau – 18 Tachwedd 2021

Gwnewch i ni chwerthin neu wenu drwy ddweud wrthym am rywbeth doniol neu dwymgalon a ddigwyddodd i chi pan oeddech chi’n ymwneud ag elusen neu fudiad gwirfoddol. Rhannwch eich stori gan ddefnyddio #WythnosElusennauCymru a #CodiGwên

Dydd Gwener – 19 Tachwedd 2021

Dywedwch wrthym ni yn eich geiriau eich hun pam mae elusennau yn haeddu eich cymorth drwy gydol y flwyddyn. Rhannwch eich barn gan ddefnyddio #WythnosElusennauCymru a #NidWythnosYnUnig

Busnesau

Pwrpas y pecyn syniadau hwn yw helpu busnesau – mawr a bach – i ddod o hyd i ffyrdd syml, ystyrlon a hyblyg o gymryd rhan yn yr wythnos, beth bynnag yw eich capasiti neu eich man cychwyn.